曹仁超另類解讀金融名詞

11/09/2008 投資者日記

• 機構投資者：就係响跌市中仍大手拋售嘅人，我地叫佢地做機構投資者。
• 衍生產品：就係你唔識，但係就可以令你輸錢嘅工具。
• Market report：係大經紀行向客戶解釋點解你會輸錢嘅報告。
• 財務管理：輸咗錢後，三個月先至話你知。
• P/E：係用舊年純利幾吸引去呃你入局，然後明年純利大跌，P/E大升。
• 止蝕沽盤：通常都唔記得做嘅事。
• 技術分析員：講就頭頭是道、做就損失慘重嘅人。
• 股神：只响牛市出現、熊市消失嘅人。
• 上升軌：通常响「過去」走勢中先至搵到嘅趨勢。
• 對沖：自己都唔知應該睇好、睇淡嗰陣；同時沽出嗰隻已升股，買入隻日後大跌股嘅行為。
• 專家：累你輸錢後，仍有好多理由解釋嘅人。
• 相反理論：即係我唔同意你嘅睇法，又唔知點駁你嗰陣嘅借口。