fwd 淡友停一停，想一想 ，兼談短炒紀律心得

原帖由 ChetBaker 於 2009-4-3 08:25 AM 發表

昨日好多死守的淡友戰友大傷，如果依然未 cut 的估計今日更難過。

我看個勢會起碼上到 15500 , 咁 cut 唔 cut ? 反唔反手呢 ？



短炒紀律第一條，都係最重要一條，就係唔好輸入肉 ......



如果短炒係為賺錢的，首要紀律就係要守好個本先。
我會用 30% 做底限，未計賺先計虧的風險，因你要明白，短炒係鱷口偷金的行為。

比如你有 100 本金，如果你的風險紀律係 50% 的話會好大禍，短炒連錯兩次的機會係好高的。


100 本金，第一次奶野變 50 , 再奶多次變 25 ，個悲劇結果往往係，你太心急想用 25 追返變 100 , 就去孤注一擊去搏高風險，結果 25 得返 10 , 咁用 $10 要賺返平手變 100, 要升10 倍，有幾大可能呢 ？

點解用 30% 做底限？ 條數咁計的， 100 本金，第一次奶野變 70 。 再奶多次變 49 ， 已經係低於 50% 了，但你依然有機會追返變 100， 但已到最後警界線了，要極度小心，用 50 ，如果肯唔過夜，每轉小小地打游擊， 每轉賺 10% 就食，虧 2% 即cut , 達做約 7 ~ 8轉後你還有機會追返本。

如果個風險係 60% 的，那就只應用 50% 本金去搏，因 50 本金虧 60% 得返 20 , 加你的另外 50 , 還有 70% 在手。


短炒紀律第二條 ： 不要和大勢做對，短炒係鱷口偷金的行為，特別是在熊市後期， 真係要預備兩個極端劇本，個市散戶少左玩，大戶要行極端去是但殺一邊搵食 ，唔好太信自己分析，你的分析可以係大方向對，但timing 錯左都可死於鱷口。

所以短炒我學識頭尾唔好食，食中間的勢都夠，頭尾轉折位可一去小注炒即日，如果炒中當日行單邊就放風箏， 轉折位即市起碼有 200~ 300 點水位先好過夜，因位隔日就算轉頭倒夾，一般最多都係 500點，減左水位都未大傷。

三 : 刀仔鋸大樹點玩 ? 末日輪或極近打靶的牛熊，用不多於 3% ~ 5% 的資金，用全虧的風險去搏 2 ~ 10 倍的利潤都OK .
如果只有 2 倍的潛在利潤，那就不應用全虧的風險去搏，起碼要有機會拎返 40% 先 OK .